سعودی عرب میں ٹریفک حادثات سے ہونے والے نقصانات کا تخمینہ 21ارب ریال تک پہنچ گیا:سلطان الزاہرانی

جدہ ( محمد اکرم اسد) سعودی عرب کے مشرقی ریجن میں ٹریفک سلامتی کمیٹی کے سیکرٹری جنرل سلطان الزہرانی نے کہا ہے کہ سعودی عرب میں ٹریفک حادثات سے ہونے والے نقصانات کا تخمینہ 21ارب ریال تک پہنچ گیا ہے۔4ارب ریال کا خسارہ مشرقی ریجن تک محدود ہے۔ 1436ہجری کے دوران 5785افراد شدید زخمی ہوئے اور 1224افراد جاں بحق ہوئے۔ الزہرانی نے مساجد کے خطیبوں سے اپیل کی کہ وہ ٹریفک سلامتی کی اہمیت کو اجاگر کریں، ٹریفک قوانین و ضوابط کی پابندی کی ترغیب دیں ، نجی و سرکاری املاک اور جانوں کی حفاظت کی اہمیت کو اجاگر کریں۔