آرمی چیف جنرل راحیل شریف سے امریکی سینٹرل کمانڈ کے کمانڈر کی ملاقات ،خطے کی سیکیورٹی اور افغانستان سے متعلق امور پر بات چیت

راولپنڈی (مانیٹرنگ ڈیسک )چیف آف آرمی سٹاف جنرل راحیل شریف سے امریکی سینٹرل کمانڈ کے کمانڈر جنرل جوزف نے ملاقات کی جس میں دو طرفہ تعاون اور باہمی دلچسپی کے امور پر تبادلہ خیال کیا گیا ۔آئی ایس پی آر کی جانب سے جاری بیان میں کہا گیا ہے کہ امریکی جنرل جوز ف نے جی ایچ کیو میں آرمی چیف جنرل راحیل شریف سے ملاقات کی جس میں خطے کی سیکیورٹی اور افغانستان سے متعلق امور پر بھی تبادلہ خیال کیا گیا ۔اس موقع پرجنرل جوزف نے دہشت گردی کے خلاف جنگ اور امن کے قیام کے لیے پاک فوج کے کردار کو سراہا ۔اس سے قبل جی ایچ کیو آمد پر جنرل جوزف نے یاد گار شہدا پر پھول چڑھائے اور انہیں گارڈ آف آنر پیش کیا گیا ۔