غیر اعلانیہ لوڈ شیڈنگ نہیں کی جا رہی ،شہروں میں 6اور دیہات میں 8گھنٹے لود شیڈنگ ہو رہی ہے: وزارت پانی و بجلی

اسلام آباد (مانیٹرنگ ڈیسک) وزارت پانی و بجلی نے انکشاف کیا ہے کہ ملک کے کسی بھی حصے میں غیر اعلانیہ لوڈ شیڈنگ نہیں ہو رہی ۔

ترجمان وزارت پانی و بجلی نے اپنے بیان میں کہا ہے کہ ملک میں غیر اعلانیہ لوڈ شیڈنگ نہیں کی جا رہی تاہم ملک میں بجلی کی قلت 3ہزار 350میگا واٹ تک پہنچ چکی ہے ۔

بیان میں مزید کہا گیا ہے کہ اس وقت شہروں میں 6جبکہ دیہا ت میں 8گھنٹے کی لوڈ شیڈنگ کی جارہی ہے جبکہ بجلی کی طلب 18ہزار 300اور پیداوار 14ہزار 900میگا واٹ ہے ۔